PDK dorëzon në Kushtetuese vendimin e ZRRE-së për daljen e bizneseve në tregun e lirë të energjisë

15:25 | 21 Gusht 2025
E.K

Partia Demokratike e Kosovës ka dorëzuar në Gjykatën Kushtetuese vendimin e Zyrës së Rregullatorit për Energji (ZRRE), për daljen e 1,300 bizneseve në treg të lirë të energjisë.

Vendimin e dorëzoi deputeti i PDK-së, Abelard Tahiri.

Para mediave, ai tha se ky vendim nxjerr në mënyrë të dhunshme në tregun e lirë dhe rrezikon qindra mija vende pune.

“Unë besoj se me grupin tone te juristëve kemi argumentuar mjaftueshëm që vendimet e këtyre dy gjykatave janë vendime qe bien ndesh me rendin dhe Kushtetutën e vendit, prandaj ne kërkuam një masë të përkohshme nga Gjykata Kushtetuese në mënyrë që të pezullohet dhe pastaj ky vendim në konsultë të anulohet”, tha Tahiri./Arbresh.info